Timburvinnsla
Innflutningur á timbri.
Innflutningur á timbri er hluti af okkar starfsemi. Við flytjum aðallega frá Lettlandi og Litháen
en einstaka sinnum frá Svíþjóð og Noregi. Aðallega er um að ræða brettaefni sem við notum í okkar
framleiðslu eða þá harðvið sem notaður er sem undirlegg undir framleiðsluvörur álfyrirtækjanna.
Brettasmíði.
Við framleiðum allar stærðir af brettum hvort sem um er að ræða staðlaðar stærðir eða sérsmíði.
Okkar viðskiptavinir eru t.d. Brim, Samherji, Eimskip, Samskip, Lýsi, Elkem, RioTinto, Arctic Prime
Fisheries, DFFU, Útgerðafélag Reykjavíkur, Hvalur, Ice Fish, Iraco, Fiskvinnslan Kambur, Kuldaboli,
Marúlfur, Royal Iceland, BEWI Iceland ásamt fleiri góðum.
Gæðaeftirlit.
Við erum alltaf að vinna í því að bæta gæðin í okkar framleiðslu. Í því felst að við gerum
gæðaúttekt á öllum okkar birgjum, þ.e. við losun á hverjum innflutningsgámi með brettaefni er gerð
skoðun á efninu við móttöku. Erlendi birginn okkar fær svo skýrslu að úttekt lokinni þar sem skráð
eru fávik ef einhver eru. Í gæðaúttekt á hráefni felst það að efnið er rakamælt, sjónskoðað og
athugað hvort efnið stenst þær stærðarmælingar sem upp eru gefnar.
Gæðaeftirlit fer einnig fram í framleiðslu á brettunum. Þar er skoðað hvort brettin eru rétt negld
saman, rétt efni og naglar notaðir, rakamæling og síðast en ekki síst hvort HT merking sé í lagi.
Endurvinnsla.
Við endurvinnum notuð vörubretti, þ.e. við tökum þau í sundur í sérstökum vélum og nýtum það efni
sem er í lagi til smíði á nýjum vörubrettum.
Við endurvinnsluna og framleiðsluna á brettunum fellur til mikið af timburúrgangi sem við kurlum og
setjum ýmist í frekari mulning eða við búum til timburköggla. Hvort tveggja er notað sem
undirburður undir hesta og hefur reynst mjög vel. Einnig höfum við grófkurlað í stóra sekki fyrir
hestamenn sem þeir hafa svo notað í gólfið á reiðhöllum.
Við seljum undirburðinn í 20kg pokum og svo stórsekkjum ca 550 - 600kg
Við seljum undirburðinn í 20kg pokum og svo stórsekkjum ca 550 - 600kg
